കൊല്ലം: മൈനാഗപ്പള്ളി ആനൂര്ക്കാവില് സ്കൂട്ടര് യാത്രക്കാരിയെ കാര് കയറ്റി കൊലപ്പെടുത്തിയ സംഭവത്തില് നടുക്കം മാറാതെ നാട്ടുകാര്. തിരുവോണദിവസം വൈകീട്ട് 5.30-ഓടെയാണ് ആനൂര്ക്കാവില് അമിതവേഗത്തിലെത്തിയ കാര് സ്കൂട്ടര് യാത്രക്കാരായ സഹോദരിമാരെ ഇടിച്ചുതെറിപ്പിച്ചത്. പിന്നാലെ റോഡിലേക്ക് വീണ സ്ത്രീകളിലൊരാളുടെ ശരീരത്തിലൂടെ കാര് ഓടിച്ചുകയറ്റുന്ന നടുക്കുന്ന രംഗങ്ങള്ക്കും നാട്ടുകാര് സാക്ഷിയായി. പഞ്ഞിപുല്ലുംവിളയില് കുഞ്ഞുമോള് (47) ആണ് അതിദാരുണമായ സംഭവത്തില് കൊല്ലപ്പെട്ടത്. ഗുരുതരമായി പരിക്കേറ്റ കുഞ്ഞുമോള് ആശുപത്രിയില് ചികിത്സയിലിരിക്കെ രാത്രി 10.30-ഓടെയാണ് മരിച്ചത്. അപകടത്തില് കുഞ്ഞുമോള്ക്കൊപ്പമുണ്ടായിരുന്ന സഹോദരി ഫൗസി(30)ക്കും പരിക്കേറ്റു. സംഭവത്തില് കാറോടിച്ചിരുന്ന കരുനാഗപ്പള്ളി വെളുത്തമണല് സ്വദേശി അജ്മല്, ഇയാള്ക്കൊപ്പം കാറിലുണ്ടായിരുന്ന സ്വകാര്യ ആശുപത്രിയിലെ ഡോക്ടര് മായ ശ്രീക്കുട്ടി എന്നിവരെ പോലീസ് കസ്റ്റഡിയിലെടുത്തു. ഇരുവരും മദ്യപിച്ചിരുന്നതായാണ് പോലീസ് നല്കുന്നവിവരം. കാര് കയറ്റിയിറക്കി നിര്ത്താതെപോയി, മറ്റുവാഹനങ്ങളിലും ഇടിച്ചു…സ്കൂട്ടര് യാത്രക്കാരിയുടെ ശരീരത്തിലൂടെ കാര് കയറ്റിയിറക്കിയശേഷം നിര്ത്താതെ കാറുമായി പാഞ്ഞ അജ്മല് മറ്റുവാഹനങ്ങളിലും ഇടിപ്പിച്ചതായി നാട്ടുകാര്. നിര്ത്താതെപോയ കാറിനെ മറ്റുവാഹനങ്ങളില് നാട്ടുകാര് പിന്തുടര്ന്നിരുന്നു. ഇതിനിടെയാണ് ഒരു ഗുഡ്സ് ഓട്ടോയില് ഇടിക്കാന്പോയത്. ഓട്ടോ…
Author: malayalinews
കൊല്ലം: മൈനാഗപ്പള്ളി ആനൂര്ക്കാവില് സ്കൂട്ടര് യാത്രക്കാരിയെ ഇടിച്ചുതെറിപ്പിച്ചശേഷം കാര് കയറ്റിയിറക്കുകയും സ്ത്രീ കൊല്ലപ്പെടുകയും ചെയ്ത സംഭവത്തില് മനുഷ്യാവകാശ കമ്മീഷന് സ്വമേധയാ കേസെടുത്തു. മാധ്യമ വാര്ത്തകളുടെ അടിസ്ഥാനത്തിലാണ് കമ്മീഷന് സ്വമേധയാ കേസെടുത്തത്. കൊല്ലം ജില്ലാ പോലീസ് മേധാവി രണ്ടാഴ്ചക്കകം അന്വേഷണ റിപ്പോര്ട്ട് സമര്പ്പിക്കണമെന്ന് കമ്മീഷന് അംഗം വി.കെ. ബീനാകുമാരി നിര്ദേശംനല്കി. അപകടമുണ്ടാക്കിയ ശേഷം കടന്നുകളത്ത കാറിലുണ്ടായിരുന്നത്, ചെയ്യുന്ന തെറ്റിന്റെ ഗൗരവം നന്നായി മനസിലാവുന്ന ഒരു വനിതാ ഡോക്ടറാണെന്ന റിപ്പോര്ട്ടുകള് അത്ഭുതപ്പെടുത്തുന്നതാണെന്ന് വി.കെ. ബീനാകുമാരി പറഞ്ഞു.
കോഴിക്കോട്: വയനാട് ഉരുള്പൊട്ടല് ദുരന്തത്തിന്റെ രക്ഷാപ്രവര്ത്തനത്തിനായി സംസ്ഥാന സര്ക്കാര് ചെലവാക്കിയ തുകയുടെ കണക്കുകള് പുറത്ത്. ഒരു മൃതദേഹം സംസ്കാരിക്കാന് 75,000 രൂപ ചെലവാക്കിയതായും ദുരന്ത ബാധിത പ്രദേശത്തേക്ക് വളണ്ടിയര്മാരെയും മറ്റും എത്തിക്കാന് നാലു കോടി രൂപ ചെലവിട്ടതായുമാണ് കണക്കിലുള്ളത്. കോടികളുടെ കണക്കുകള് പുറത്തുവന്നതിന് പിന്നാലെ ഇതില് പൊരുത്തക്കേടുകള് ഉണ്ടെന്ന ആക്ഷേപം ഉയര്ന്നു. ഹൈക്കോടതിയില് സമര്പ്പിച്ച സത്യവാങ്മൂലത്തിലാണ് സംസ്ഥാന സര്ക്കാര് ദുരന്ത പ്രദേശത്ത് ചെലവിട്ട തുകയുടെ കണക്കുകള് അറിയിച്ചിട്ടുള്ളത്. സൈനികര്ക്കും വളണ്ടിയര്മാര്ക്കും ഭക്ഷണത്തിനും വെള്ളത്തിനുമായി പത്ത് കോടി രൂപ ചെലവാക്കിയെന്നാണ് കണക്ക്. ഇവരുടെ താമസത്തിന് വേണ്ടി മാത്രം 15 കോടി രൂപ ചെലവാക്കിയിട്ടുണ്ട്. ദുരന്തപ്രദേശമായ ചൂരല്മലയില്നിന്നും മുണ്ടക്കൈയില്നിന്നും ആളുകളെ ഒഴിപ്പിക്കാന് 12 കോടിരൂപ ചെലവാക്കി. സൈന്യം നിര്മിച്ച ബെയ്ലി പാലത്തിന്റെ അനുബന്ധ പ്രവൃത്തികള്ക്ക് ഒരു കോടി രൂപ ചെലവായെന്നും കണക്കുകൾ പറയുന്നു. രക്ഷാപ്രവര്ത്തകര്ക്ക് ടോര്ച്ച്, റെയിന്കോട്ട്, കുട, ബൂട്ട് തുടങ്ങിയവ നല്കുന്നതിനായി 2.98 കോടി രൂപ നല്കിയതായും കണക്കിൽ പറയുന്നു. വളണ്ടിയര്മാര്ക്കും സൈനികര്ക്കും…
മലപ്പുറം: മലപ്പുറം തിരുവാലിയിലെ 24-കാരന്റെ മരണം നിപ ബാധിച്ചാണെന്ന് കണ്ടെത്തിയതിനെ തുടര്ന്ന് മലപ്പുറം ജില്ലയിലെ വിവിധയിടങ്ങളിൽ നിയന്ത്രണങ്ങൾ ഏര്പ്പെടുത്തി. മലപ്പുറം ജില്ലയില് ആളുകള് പുറത്തിറങ്ങുമ്പോള് നിർബന്ധമായും മാസ്ക് ധരിക്കണമെന്ന് ജില്ലാ കളക്ടര് ഉത്തരവിറക്കി. തിരുവാലി, മാമ്പാട് പഞ്ചായത്തിലെ അഞ്ച് വാര്ഡുകളില് കര്ശന നിയന്ത്രണങ്ങളും ഏര്പ്പെടുത്തിയിട്ടുണ്ട്. ആരോഗ്യ മന്ത്രി വീണാ ജോര്ജിന്റെ അധ്യക്ഷതയില് ഞായറാഴ്ച ചേര്ന്ന യോഗത്തിലാണ് ഇത് സംബന്ധിച്ച് തീരുമാനമെടുത്തതെന്ന് ജില്ലാ കളക്ടറുടെ ഉത്തരവില് പറയുന്നു. തിരുവാലി പഞ്ചായത്തിലെ 4, 5, 6, 7 വാര്ഡുകള്, മമ്പാട് പഞ്ചായത്തിലെ 7-ാം വാര്ഡ് എന്നിവ കണ്ടെയ്ന്മെന്റ് സോണായി ജില്ലാ കളക്ടര് വി.ആര്. വിനോദ് പ്രഖ്യാപിച്ചു. കണ്ടെയ്ന്മെന്റ് സോണായി പ്രഖ്യാപിച്ച വാര്ഡുകളിലെ നിയന്ത്രണങ്ങള് 1. പൊതുജനങ്ങള് കൂട്ടം കൂടാന് പാടില്ല.2. വ്യാപാര സ്ഥാപനങ്ങള് രാവിലെ 10 മുതല് വൈകുന്നേരം 7 മണി വരെ മാത്രമേ പ്രവർത്തിക്കാൻ പാടുള്ളൂ. (പാല്, പത്രം, പച്ചക്കറി എന്നിവയ്ക്ക് രാവിലെ 6 മുതല് പ്രവര്ത്തിക്കാം). മെഡിക്കല് സ്റ്റോറുകള്ക്ക് ഈ നിയന്ത്രണം…
ഹെെദരാബാദ്: തെന്നിന്ത്യൻ ഡാൻസ് കൊറിയോഗ്രാഫർ ജാനി മാസ്റ്ററിനെതിരെ സഹപ്രവർത്തകയുടെ ലെെംഗിക ആരോപണം. ഡാൻസ് കോറിയോഗ്രാഫറായ 21 കാരി ജാനി മാസ്റ്ററിനെതിരെ പോലീസിൽ പരാതി നൽകിയിട്ടുണ്ട്. യുവതിയുടെ പരാതിയിൽ റായ്ദുർഗ് പോലീസ് എഫ്.ഐ.ആർ രേഖപ്പെടുത്തിയെന്ന് ദേശീയ മാധ്യമങ്ങൾ റിപ്പോർട്ട് ചെയ്തു. സിനിമ ചിത്രീകരണത്തിനിടെ ചെന്നെെ, മുംബെെ, ഹെെദരാബാദ് മുതലായ സ്ഥലങ്ങളിൽ വെച്ച് ജാനി മാസ്റ്റർ പീഡിപ്പിച്ചുവെന്നാണ് യുവതിയുടെ പരാതി. യുവതിയുടെ നസ്രിങ്കിയിലുള്ള വസതിയിൽ വെച്ചും പലതവണ പീഡിപ്പിച്ചിട്ടുണ്ടെന്നും പരാതിയിലുണ്ട്. തുടരന്വേഷണത്തിനായി റായ്ദുർഗ് പോലീസ് കേസ് നസ്രിങ്കി പോലീസിന് കെെമാറിയിട്ടുണ്ട്. നേരത്തെയും ജാനി മാസ്റ്ററിന് എതിരെ പോലീസിൽ പരാതികൾ ലഭിച്ചിട്ടുണ്ട്. ഈ വർഷം ജൂണിൽ ജാനി മാസ്റ്റർ തന്നെ ഉപദ്രവിക്കുകയും ജോലി തടസ്സപ്പെടുത്തുകയും ചെയ്തതായി നർത്തകനായ സതീഷ് പോലീസിൽ പരാതിപ്പെട്ടിരുന്നു. പിന്നാലെ ആരോപണം നിഷേധിച്ച് ജാനി മാസ്റ്റർ തന്നെ രംഗത്തെത്തിയിരുന്നു.
കൊച്ചി: എറണാകുളം ഇടപ്പള്ളി മരോട്ടിച്ചുവടില് യുവാവിനെ മരിച്ചനിലയില് കണ്ടെത്തിയ സംഭവത്തില് ഒരാളെ പോലീസ് കസ്റ്റഡിയിലെടുത്തു. കൂനംതൈ സ്വദേശി പ്രവീണാണ് കൊല്ലപ്പെട്ടത്. കൊല്ലം സ്വദേശി സമീറിനെയാണ് പോലീസ് പിടികൂടിയത്. സംഭവം കൊലപാതകമാണെന്ന നിഗമനത്തിലാണ് പോലീസ്. മദ്യപാനത്തെ തുടര്ന്നുണ്ടായ തര്ക്കമാണ് കൊലപാതകത്തില് കലാശിച്ചതെന്നാണ് വിവരം. മരോട്ടിച്ചുവട് കള്ള് ഷാപ്പിന് സമീപമാണ് പ്രവീണിനെ ഞായറാഴ്ച മരിച്ച നിലയില് കണ്ടെത്തിയത്. തുടര്ന്ന് പോലീസ് സിസിടിവിയടക്കമുള്ളവ പരിശോധിച്ചാണ് സമീറിനെ പിടികൂടിയത്. സമീറിനെ കൂടാതെ തൃപ്പൂണിത്തുറ സ്വദേശിയായ മറ്റൊരാള് കൂടി സംഭവസമയത്ത് ഇവര്ക്കൊപ്പമുണ്ടായിരുന്നതായി പോലീസിന് വിവരം ലഭിച്ചിട്ടുണ്ട് ഇയാള്ക്കായുള്ള തിരിച്ചില് നടന്നുവരികയാണ്.
കൊച്ചി: എറണാകുളം കാക്കനാട് രണ്ടുപേർക്ക് വെട്ടേറ്റു. പ്രദീപ്, രഞ്ജിത്ത് എന്നിവർക്കാണ് വെട്ടേറ്റത്. മുൻവൈരാഗ്യത്തെത്തുടർന്ന് പ്രദീപ് എന്നയാളെ രഞ്ജിത് എന്നയാളും മൂന്നോളം പേരടങ്ങുന്ന സംഘവും ആക്രമിക്കുകയായിരുന്നുവെന്നാണ് ലഭിക്കുന്ന വിവരം. സംഘർഷത്തിനിടെയാണ് രഞ്ജിത്തിന് വെട്ടേറ്റത്. കഴിഞ്ഞ ദിവസം രാത്രി വ്യവസായമേഖലയ്ക്ക് സമീപത്തായാണ് സംഭവം. പ്രദീപിന്റെ കഴുത്തിനാണ് വെട്ടേറ്റത്. അതീവഗുരുതരനിലയിലുള്ള ഇയാളെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. മുൻവൈരാഗ്യത്തെത്തുടർന്നാണ് അക്രമണമെന്ന് പോലീസ് പറയുന്നു. കൂടെയുണ്ടായിരുന്നവർക്കായി പോലീസ് തിരച്ചിൽ ശക്തമാക്കിയിട്ടുണ്ട്. സംഘർഷത്തിനിടെയാണ് രഞ്ജിത്തിന് വെട്ടേൽക്കുന്നത്. ഇയാളേയും ആശുപത്രിയിൽ പ്രവേശിപ്പിച്ചിരിക്കുകയാണ്. നിലവിൽ ആരേയും പോലീസ് അറസ്റ്റ് ചെയ്തിട്ടില്ല.
ന്യൂ ഡൽഹി: നടിയെ ആക്രമിച്ച കേസിൽ അടിസ്ഥാന രഹിതമായ ബദൽ കഥകൾ മെനയാൻ ദിലീപ് ശ്രമിക്കുന്നുവെന്ന് കേരളം സുപ്രീം കോടതിയിൽ. വിചാരണ കോടതിയിൽ പ്രോസിക്യുഷൻ സമർപ്പിച്ച തെളിവുകൾ അട്ടിമറിക്കാൻ ലക്ഷ്യമിട്ടാണ് ഈ നടപടിയെന്നും സുപ്രീം കോടതിയിൽ ഫയൽ ചെയ്ത സത്യവാങ്മൂലത്തിൽ കേരളം ആരോപിച്ചു. കേസിലെ ഒന്നാം പ്രതിയായ പൾസർ സുനിക്ക് ജാമ്യം അനുവദിക്കരുത് എന്ന് ആവശ്യപ്പെട്ട് ഫയൽ ചെയ്ത സത്യവാങ്മൂലത്തിലാണ് സംസ്ഥാന സർക്കാർ ദിലീപിനെതിരെ ആരോപണം ഉന്നയിച്ചിരിക്കുന്നത്. കേസിലെ വിചാരണ നീട്ടിക്കൊണ്ടുപോകാൻ ദിലീപ് ശ്രമിക്കുന്നുവെന്നും സംസ്ഥാന സർക്കാർ സുപ്രീം കോടതിയിൽ ഫയൽചെയ്ത സത്യവാങ്മൂലത്തിൽ ചൂണ്ടിക്കാട്ടിയിട്ടുണ്ട്. കേസിലെ അന്വേഷണ ഉദ്യോഗസ്ഥനായ ബൈജു പൗലോസിനെ ഏഴ് മാസങ്ങളിലായി 87 ദിവസം ദിലീപിന്റെ അഭിഭാഷകൻ വിസ്തരിച്ചു എന്നാണ് കേരളം ചൂണ്ടിക്കാട്ടുന്നത്. സംവിധായകൻ ബാലചന്ദ്രകുമാറിനെ മുപ്പത്തി അഞ്ചര ദിവസവും സൈബർ ഫോറൻസിക് വിദഗ്ദ്ധനായ ഡോ. സുനിൽ എസ് പിയെ 21 ദിവസവും സൈബർ ഫോറൻസിക് വിദഗ്ദ്ധ ദീപ എ.എസിനെ 13 ദിവസവും ദിലീപിന്റെ അഭിഭാഷകർ വിസ്തരിച്ചു. കേസിലെ…
അമരാവതി: മുംബൈ കേന്ദ്രീകരിച്ച് പ്രവർത്തിക്കുന്ന സിനിമാ താരത്തിന്റെ പരാതിയില് ആന്ധ്രാപ്രദേശില് മൂന്ന് ഐപിഎസ് ഓഫീസര്മാര്ക്ക് സസ്പെന്ഷന്. നിയമവിരുദ്ധമായി അറസ്റ്റ് ചെയ്തെന്നും തടവില്വെച്ചെന്നും ചൂണ്ടിക്കാട്ടി നല്കിയ പരാതിയിലാണ് നടപടി. ഡയറക്ടര് ജനറല് റാങ്കിലുള്ള പി.എസ്.ആര്. ആഞ്ജനേയുലു, ഐജി റാങ്കിലുള്ള കാന്തി റാണ ടാറ്റ, എസ്പി വിശാല് ഗണ്ണി എന്നിവരെയാണ് സസ്പെന്ഡ് ചെയ്തത്. വൈഎസ് ജഗന് മോഹന് റെഡ്ഡി സര്ക്കാരിന്റെ കാലത്ത് ആന്ധ്രാപ്രദേശ് പോലീസ് അറസ്റ്റ് ചെയ്ത് മര്ദിച്ചതായാണ് മുംബൈ ആസ്ഥാനമായുള്ള നടി പരാതിപ്പെട്ടിരിക്കുന്നത്, ഭൂമിയുമായി ബന്ധപ്പെട്ട കേസില് വൈഎസ്ആര് കോണ്ഗ്രസ് നേതാവിന്റെ പരാതിയിലായിരുന്നു അറസ്റ്റ്. ഈ വര്ഷം ആദ്യത്തിലാണ് നടിയും കുടുംബാംഗങ്ങളും അറസ്റ്റിലായത്. മുംബൈ കോര്പ്പറേഷനിലെ ഒരു ഉദ്യോഗസ്ഥനെതിരെ താന് നേരത്തെ നല്കിയ പരാതി പിന്വലിച്ചില്ലെങ്കില് ഗുരുതരമായ പ്രത്യാഘാതങ്ങള് നേരിടേണ്ടിവരുമെന്ന് ജഗന്റെ കാലത്ത് ആന്ധ്ര പോലീസ് ഭീഷണിപ്പെടുത്തിയതായും നടി ആരോപിച്ചു. കാന്തി റാണാ ടാറ്റയെയും വിശാല് ഗണ്ണിയയും വിളിച്ച് ജനുവരി 31-ന് നടിയെ അറസ്റ്റ് ചെയ്യാന് നിര്ദേശം നല്കിയെന്ന കുറ്റമാണ് അന്ന് സംസ്ഥാന…
കൊല്ലം: മൈനാഗപ്പള്ളി ആനൂര്ക്കാവില് സ്കൂട്ടര് യാത്രികരെ ഇടിച്ചുവീഴ്ത്തി, ശരീരത്തിലൂടെ കാര് കയറ്റിയിറക്കിയതിനെ തുടര്ന്ന് സ്ത്രീ മരിക്കാനിടയായ സംഭവത്തില് പ്രതി പിടിയില്. കാര് ഡ്രൈവര് കരുനാഗപ്പള്ളി സ്വദേശി അജ്മലാണ് പിടിയിലായത്. സുഹൃത്തിന്റെ വീട്ടില്നിന്നാണ് ശാസ്താംകോട്ട പോലീസ് ഇയാളെ പിടികൂടിയത്. സ്കൂട്ടര് യാത്രികരായ സ്ത്രീകളെ ഇടിച്ചു വീത്തുകയും തുടര്ന്ന് കാര് നിര്ത്താതെ വീണുകിടന്ന സ്ത്രീയുടെ ശരീരത്തിലൂടെ കയറ്റിയിറക്കി രക്ഷപ്പെടുകയുമായിരുന്നു. ഗുരുതരമായി പരിക്കേറ്റ മൈനാഗപ്പള്ളി സ്വദേശിനി കുഞ്ഞുമോള് ആണ് മരിച്ചത്. ഞായറാഴ്ച വൈകീട്ട് 5.46-നാണ് സംഭവം. സ്കൂട്ടറിന് പിന്നില് കാര് ഇടിച്ചതിന്റെ ആഘാതത്തില് കുഞ്ഞുമോള് കാറിനടിയിലേക്ക് വീണു. ആളുകള് ഓടിക്കൂടുന്നത് കണ്ട് രക്ഷപ്പെടാന് ഡ്രൈവര് കാര് മുന്നോട്ടെടുത്തു. പിന്നിലെ ടയര് കുഞ്ഞുമോളുടെ കഴുത്തിലൂടെ കയറിയിറങ്ങി. നാട്ടുകാര് ചേര്ന്ന് കുഞ്ഞുമോളെ സ്വകാര്യ ആശുപത്രിയില് എത്തിച്ചെങ്കിലും 9.45-ഓടെ മരണം സ്ഥിരീകരിച്ചു. കരുനാഗപ്പള്ളിയിലെ സ്വകാര്യ ആശുപത്രിയിലെ ഒരു വനിതാ ഡോക്ടറും ഇയാള്ക്കൊപ്പം കാറിലുണ്ടായിരുന്നു. ഇവരെ പോലീസ് കസ്റ്റഡിയിലെടുത്ത് ചോദ്യംചെയ്തിരുന്നു. എന്നാല് അജ്മല് സംഭവസ്ഥലത്തുനിന്ന് രക്ഷപ്പെടുകയായിരുന്നു. ഇയാള്ക്ക് ക്രിമിനല് പശ്ചാത്തലമുള്ളതായാണ് വിവരം.