നാട്ടിൽ പോയി മടങ്ങിയെത്തിയ യുകെ മലയാളി നേഴ്സ് കുഴഞ്ഞുവീണ് മരിച്ചു.കോട്ടയം ചിങ്ങവനം സ്വദേശിയാണ് സോണിയ അനിൽ.
കാലിലെ ഒരു സർജറി സംബന്ധമായി പത്ത് ദിവസം മുമ്പ് നാട്ടിൽ പോയി മടങ്ങിയെത്തിയ ഉടനെയാണ് ആകസ്മിക മരണം സോണിയയെ തേടിയെത്തിയത്. പരേതയ്ക്ക് 39 വയസ്സ് മാത്രമാണ് ഉണ്ടായിരുന്നത്.
വീട്ടിൽ വച്ച് അപ്രത്യക്ഷമായി കുഴഞ്ഞു വീഴുകയും അടിയന്തര വൈദ്യസഹായം എത്തിച്ചു എങ്കിലും ജീവൻ നിലനിർത്താൻ ആയില്ല. അനിൽ ചെറിയാൻ ആണ് സോണിയയുടെ ഭർത്താവ്. 2 മക്കളാണ് അനിൽ -സോണിയ ദമ്പതിമാർക്ക് ഉള്ളത്
കോട്ടയത്തിനടുത്തുള്ള ചിങ്ങവനമാണ് കേരളത്തിൽ ഇവരുടെ സ്വദേശം. കേരള കൾച്ചറൽ അസോസിയേഷൻ (കെസിഎ ) റെഡ്ഡിച്ചിൻ്റെ സജീവ പ്രവർത്തകയായിരുന്ന സോണിയ അനിലിന്റെ നിര്യാണത്തിൽ കെസിഎ റെഡ്ഡിച്ചിൻ്റെ പ്രസിഡൻറ് ജെയ് തോമസും സെക്രട്ടറി ജസ്റ്റിൻ മാത്യുവും ട്രഷറർ ജോബി ജോണും അനുശോചനം അറിയിച്ചു.
സോണിയ അനിലിൻെറ വിയോഗത്തിൽ മലയാളി ന്യൂസിന്റെ അനുശോചനം ബന്ധുക്കളെയും സുഹൃത്തുക്കളെയും അറിയിക്കുന്നു.
