ബാനർ പിടിക്കുന്നതും സ്പീക്കറുടെ മുഖം മറയ്ക്കുന്നതും പ്ലക്കാർഡ് ഉയർത്തുന്നതും നിയമസഭയുടെ ചരിത്രത്തിൽ ആദ്യമായിട്ട് നടക്കുന്ന സംഭവമല്ലെന്ന് പ്രതിപക്ഷ നേതാവ് വി.ഡി.സതീശൻ. കഴിഞ്ഞ ദിവസം സഭയിൽ ബാനറും പ്ലക്കാർഡും പിടിച്ചതാണ് പരാതിയായി പറഞ്ഞിട്ടുള്ളത്. നടുത്തളത്തിൽ പ്രതിപക്ഷം ഇറങ്ങിയാൽ സഭാനടപടികൾ താത്കാലികമായി നിർത്തിവെച്ച് നേതാക്കളെ ചർച്ചയ്ക്ക് വിളിക്കുകയാണ് സാധാരണ സ്പീക്കർ ചെയ്യുക. ഇപ്പോൾ സഭാ നടപടികൾ നിർത്തിവെയ്ക്കുകയോ ചർച്ചയ്ക്കെടുക്കുകയോ ചെയ്യാതെ സ്പീക്കറുടെ ചേംബറിൽ വെച്ച് ഏകപക്ഷീയമായാണ് തീരുമാനമെടുക്കുന്നത്. അടിയന്തരപ്രമേയത്തിന് നോട്ടീസ് കൊടുത്ത ആളെ വിളിക്കുക പോലും ചെയ്യാതെ സ്പീക്കർ സഭ നിർത്തിവെക്കുകയാണ് ചെയ്തതെന്നും സതീശൻ പറഞ്ഞു.
സഭയിലേത് ഏകപക്ഷീയമായ തീരുമാനങ്ങൾ; താത്കാലിക നിർത്തിവെക്കലോ ചർച്ചയോ നടക്കുന്നില്ല’
