Breaking News

ഫ്‌ളാറ്റ് നിര്‍മ്മാണത്തിനിടെ മണ്ണിടിഞ്ഞു വീണ് നാല് മരണം-മുഖ്യമന്ത്രി പിണറായി വിജയന്‍ കൊച്ചി മെട്രോയില്‍ യാത്ര ചെയ്ത് സ്ഥിതിഗതികള്‍ വിലയിരുത്തി.-ഫിലിപ്പിന്‍സിലെ കസിനോയില്‍ വെടിവെപ്പില്‍ 36 പേര്‍ കൊല്ലപ്പെട്ടു-പാരീസ് ഉടമ്പടിയില്‍ നിന്നും പിന്‍മാറിയ ട്രംപിനെതിരെ ലോക നേതാക്കള്‍ രംഗത്ത്. നിരാശപ്പെടുത്തുന്ന തീരുമാനമെന്ന് യുഎന്‍-യുഎസ് വീസ ലഭിക്കണമെങ്കില്‍ സമൂഹമാധ്യമ വിവരങ്ങളടക്കം നല്‍കണം-ഇ കൊമേഴ്‌സ് സൈറ്റുകളില്‍ പശുക്കളുടെ ഓണ്‍ലൈന്‍ വില്‍പ്പന പൊടി പൊടിക്കുന്നു.-ഇന്ത്യയുടെ വികസനക്കുതിപ്പ് പരാമര്‍ശിച്ച് കൊടുത്തത് ശ്രീലങ്കയിലെ ട്രെയിന്‍ സര്‍വീസ് ഉദ്ഘാടനം. കേന്ദ്ര സര്‍കാരിന്‍റെ പരസ്യം വിവാദത്തില്‍.-ദില്ലിയിലും സമീപപ്രദേശങ്ങളിലും ശക്തമായ ഭൂചലനം; പ്രഭവകേന്ദ്രം ഹരിയാന-ആണവവേധ മിസൈല്‍ പ്രിഥ്വി -2 ഇന്ത്യ വിജയകരമായി വിക്ഷേപിച്ചു-സ്കൂള്‍ സര്‍ട്ടിഫിക്കറ്റില്‍ അച്ഛന്റെ പേര് ചേര്‍ക്കണമെന്ന നിബന്ധനയില്‍ മാറ്റം വരുത്താന്‍ കേന്ദ്രം ഒരുങ്ങുന്നു.

റെസ്‌റ്റോറന്റുകളിലെ ടോയ്‌ലറ്റുകള്‍ ഇനി പൊതുജനങ്ങള്‍ക്കും ഉപയോഗിക്കാം. പുതിയ ആശയവുമായി സൗത്ത് ഡല്‍ഹി മുനിസിപ്പല്‍ കോര്‍പ്പറേഷന്‍.

ദില്ലി: രാജ്യം വൃത്തിയാക്കി സൂക്ഷിക്കാനുള്ള സ്വച്ഛ് ഭാരത് പദ്ധതിക്കുപിന്നാലെ സൗത്ത് ഡല്‍ഹി മുനിസിപ്പല്‍ കോര്‍പ്പറേഷനാണ് ഈ ആശയം മുന്നോട്ടുവെച്ചത്. അഞ്ചുരൂപ ചാര്‍ജ് ഈടാക്കിക്കൊണ്ട് ഇവിടത്തെ എല്ലാ ഹോട്ടലുകളിലെയും റെസ്‌റ്റോറന്റുകളിലെയും ടോയ്‌ലറ്റുകള്‍ പൊതുജനങ്ങള്‍ക്കും ഉപയോഗിക്കാവുന്ന തരത്തില്‍ തുറന്നുകൊടുക്കും. ഈ പണം ടോയ്‌ലറ്റുകള്‍ വൃത്തിയാക്കാനും മറ്റുമായി ഉപയോഗിക്കാം. ജനങ്ങളെ ഈ സൗകര്യം അറിയിക്കാനായി സൈന്‍ ബോര്‍ഡുകളും സ്ഥാപിക്കും. പൊതു ടോയ്‌ലറ്റ് സൗകര്യം കണ്ടെത്താന്‍ പറ്റാതെ ബുദ്ധിമുട്ടുന്നവര്‍ക്ക് ഇത് വലിയ ഉപകാരമായിരിക്കും.

ഇതുമായി ബന്ധപ്പെട്ട് മാര്‍ച്ച് 14ന് മുനിസിപ്നിപാലിറ്റി നിര്‍ദേശങ്ങള്‍ പുറപ്പെടുവിച്ചു. സൗത്ത് ഡല്‍ഹിയിലെ റെസ്‌റ്റോറന്റുകളും ഹോട്ടലുകളും ടോയ്‌ലറ്റുകള്‍ പൊതുജനങ്ങളുടെ ഉപയോഗത്തിനായി തുറന്നു കൊടുക്കും. ഏപ്രില്‍ 1 മുതലായിരിക്കും ഈ സൗകര്യം ലഭ്യമാകുക.

പൊതുഉപയോഗത്തിനായി ഏകദേശം മൂവായിരത്തി അഞ്ഞൂറോളം ടോയ്‌ലറ്റുകള്‍ തുറന്നുകിട്ടും. മുനിസിപ്പല്‍ കോര്‍പ്പറേഷന്‍ ആവശ്യപ്പെടുംമുമ്പേ ഹോട്ടല്‍, റസ്‌റ്റോറന്റ് ഉടമകള്‍ ഈ തീരുമാനത്തെ സ്വീകരിക്കണം എന്നാണ് ആഗ്രഹമെന്ന് സൗത്ത് ഡല്‍ഹി മുനിസിപ്പല്‍ കോര്‍പ്പറേഷന്‍ കമ്മീഷണര്‍ പുനീത് ഗോയല്‍ പറഞ്ഞു. പദ്ധതിയില്‍ ഹോട്ടല്‍, റസ്‌റ്റോറന്റ് ഉടമകളില്‍ നിന്നും പൂര്‍ണ്ണ സഹകരണം പ്രതീക്ഷിക്കാന്‍ സാധ്യതയില്ല.

Facebook Comments
Share

Leave a Reply

Your email address will not be published. Required fields are marked *