Breaking News

ഫ്‌ളാറ്റ് നിര്‍മ്മാണത്തിനിടെ മണ്ണിടിഞ്ഞു വീണ് നാല് മരണം-മുഖ്യമന്ത്രി പിണറായി വിജയന്‍ കൊച്ചി മെട്രോയില്‍ യാത്ര ചെയ്ത് സ്ഥിതിഗതികള്‍ വിലയിരുത്തി.-ഫിലിപ്പിന്‍സിലെ കസിനോയില്‍ വെടിവെപ്പില്‍ 36 പേര്‍ കൊല്ലപ്പെട്ടു-പാരീസ് ഉടമ്പടിയില്‍ നിന്നും പിന്‍മാറിയ ട്രംപിനെതിരെ ലോക നേതാക്കള്‍ രംഗത്ത്. നിരാശപ്പെടുത്തുന്ന തീരുമാനമെന്ന് യുഎന്‍-യുഎസ് വീസ ലഭിക്കണമെങ്കില്‍ സമൂഹമാധ്യമ വിവരങ്ങളടക്കം നല്‍കണം-ഇ കൊമേഴ്‌സ് സൈറ്റുകളില്‍ പശുക്കളുടെ ഓണ്‍ലൈന്‍ വില്‍പ്പന പൊടി പൊടിക്കുന്നു.-ഇന്ത്യയുടെ വികസനക്കുതിപ്പ് പരാമര്‍ശിച്ച് കൊടുത്തത് ശ്രീലങ്കയിലെ ട്രെയിന്‍ സര്‍വീസ് ഉദ്ഘാടനം. കേന്ദ്ര സര്‍കാരിന്‍റെ പരസ്യം വിവാദത്തില്‍.-ദില്ലിയിലും സമീപപ്രദേശങ്ങളിലും ശക്തമായ ഭൂചലനം; പ്രഭവകേന്ദ്രം ഹരിയാന-ആണവവേധ മിസൈല്‍ പ്രിഥ്വി -2 ഇന്ത്യ വിജയകരമായി വിക്ഷേപിച്ചു-സ്കൂള്‍ സര്‍ട്ടിഫിക്കറ്റില്‍ അച്ഛന്റെ പേര് ചേര്‍ക്കണമെന്ന നിബന്ധനയില്‍ മാറ്റം വരുത്താന്‍ കേന്ദ്രം ഒരുങ്ങുന്നു.

ബോംബുമായി തങ്കപ്പന്‍ വരുമെന്ന് രാജപ്പന്‍; പൊലീസിനെ അഞ്ചാം ക്ലാസ്സുകാരന്‍ വട്ടംകറക്കി.

ആലുവ: ആലുവ റെയില്‍വേ സ്റ്റേഷനില്‍ പൊലീസിനേയും യാത്രക്കാരേയും വട്ടംകറക്കി അഞ്ചാം ക്ലാസ്സുകാരന്റെ ബോംബ് ഭീഷണി. ഭീഷണി പൊലീസിനെ മണിക്കൂറുകളോളം ആശങ്കയിലാഴ്ത്തി.

ബുധനാഴ്ച രാത്രി ഏഴരയോടെയാണ് സംഭവം. ആലുവ പൊലീസ് കണ്‍ട്രോള് റൂമിലാണ് വ്യാജ ബോംബ് ഭീഷണി എത്തിയത്. തന്റെ പേര് രാജപ്പാനാണെന്നും തന്റെ സുഹൃത്ത് തങ്കപ്പന്‍ ബോബുമായി റെയില്‍വേ സ്‌റ്റേഷനിലെത്തിയിട്ടുണ്ടെന്നും ഉടന്‍ ആക്രമണംനടത്തുമെന്നുമായിരുന്നു പൊലീസിന് ലഭിച്ച ഫോണ്‍ സന്ദേശം. സന്ദേശത്തിനു പിന്നാലെ കളമശ്ശേരിയില്‍ നിന്നുള്ള ബോംബ് സ്‌ക്വാഡ് അടക്കമുള്ള പൊലീസ് സംഘം ആലുവ സ്റ്റേഷനിലെത്തി പരിശോധന ആരംഭിച്ചു. ഡിവൈഎസ്പി, സിഐ അടക്കമുള്ള സംഘവും ഡോഗ്, ബോംബ് സ്‌ക്വാഡ് സംഘവും പരിശോധന ആരംഭിച്ചതോടെ യാത്രക്കാരും പരിഭ്രാന്തിയിലായി. അതിനിടെ ഫോണ്‍സന്ദേശം വന്ന ഫോണ്‍ നമ്പര്‍ കേന്ദ്രീകരിച്ചു നടത്തിയ അന്വേഷണത്തില്‍ സിം നമ്പര്‍ ഉടമയെ സൈബര്‍ പൊലീസ് സംഘം തിരിച്ചറിഞ്ഞു. സിം ഉടമസ്ഥാനായ കോതമംഗലം സ്വദേശിയുടെ വീട്ടിലെത്തി പൊലീസ് വിവരങ്ങള്‍ തിരക്കിയെങ്കിലും അത്തരത്തിലൊരു ഫോണ്‍കോള്‍ തന്റെ ഭാഗത്തു നിന്നും ഉണ്ടായിട്ടില്ലെന്നായി മറുപടി. തുടര്‍ന്ന് കോള്‍ ലിസ്റ്റ് പരിശോധിച്ച് ഈ നമ്പറില്‍ നിന്നുതന്നെയാണ് കണ്‍ട്രോള്‍ റൂമിലേക്ക് കോള്‍ പോയതെന്ന് പൊലീസ് തിരിച്ചറിഞ്ഞു. എന്നാല്‍ എന്നാല്‍ ഇക്കാര്യം സിം ഉടമ നിഷേധിച്ചതിനെ തുടര്‍ന്ന് ഇയാളുടെ മകനെ പൊലീസ് ചോദ്യം ചെയ്തു. ഇതില്‍നിന്നാണ് ഫോണ്‍ വിളിച്ചത് മകനാണെന്നും തമാശയുടെ പേരില്‍ ഒപ്പിച്ച പണിയാണെന്നും വ്യക്തമായത്. കുട്ടിയെന്ന കാരണത്തില്‍ പൊലീസ് കേസ് എടുത്തിട്ടില്ലെങ്കിലും ഇത് ഇനി ആവര്‍ത്തിക്കരുതെന്ന മുന്നറിയിപ്പ് നല്‍കി തിരിച്ചയച്ചു.

Facebook Comments
Share

Leave a Reply

Your email address will not be published. Required fields are marked *