Breaking News

കൊച്ചി മെട്രോയുടെ പരീക്ഷണ ഓട്ടം ഇന്നു മുതല്‍.-എസ്എസ്എല്‍സി കണക്ക് പരീക്ഷ 30 ലേക്ക് മാറ്റിയതിനെ തുടര്‍ന്ന് വാഹനപണിമുടക്ക് 31 ലേക്ക് മാറ്റി.-മലപ്പുറത്തെ യുഡിഎഫ് കണ്‍വെന്‍ഷനില്‍ കെഎം മാണി ഇന്ന് പങ്കെടുക്കും-എംഎം ഹസന്‍ കെപിസിസിയുടെ താത്കാലിക അധ്യക്ഷനായി ഇന്ന് ചുമതലയേറ്റു-വിവാദമായ എസ്എസ്എല്‍സി കണക്ക് പരീക്ഷ റദ്ദാക്കി. മാര്‍ച്ച് 30ന് വീണ്ടും പരീക്ഷ.-ഇന്‍ഷുറന്‍ പ്രീമിയം വര്‍ധനക്കെതിരെ 24 മണിക്കൂര്‍ മോട്ടോര്‍ വാഹന പണിമുടക്ക് മാര്‍ച്ച് 30ന്.-കൊല്ലം മലനടയില്‍ വെടിക്കെട്ടിനിടെ മൂന്ന് പേര്‍ക്ക് പരുക്ക്.-തമിഴ് സംഘടനകളുടെ എതിര്‍പ്പ്, ശ്രീലങ്കന്‍ സന്ദര്‍ശനം രജനീകാന്ത് ഒഴിവാക്കി.-ശിവസേനാ എംപിക്ക് ഒറ്റക്കെട്ടായി പണികൊടുത്ത് വിമാന കമ്പനികള്‍, നരഹത്യാശമത്തിന് കേസെടുത്ത് പൊലീസും; ഇനി ട്രെയ്‌നില്‍ യാത്ര ചെയ്യാം.-പാകിസ്താന്‍-ബംഗ്ലാദേശ് അതിര്‍ത്തി ഉടന്‍ അടയ്ക്കുമെന്ന് കേന്ദ്ര ആഭ്യന്തരമന്ത്രി രാജ്‌നാഥ് സിങ്

തമിഴ് സംഘടനകളുടെ എതിര്‍പ്പ്, ശ്രീലങ്കന്‍ സന്ദര്‍ശനം രജനീകാന്ത് ഒഴിവാക്കി.

തമിഴ്‌നാട്: തമിഴ് സംഘടനകളുടെ എതിര്‍പ്പിനെ തുടര്‍ന്ന് ശ്രീലങ്കന്‍ സന്ദര്‍ശനത്തില്‍ നിന്നും രജനീകാന്ത് പിന്മാറി. ജാഫ്‌നയില്‍ തമിഴര്‍ക്കായുള്ള വീടുകളുടെ താക്കോല്‍ദാനം നടത്താനായിരുന്നു രജനീകാന്ത് ക്ഷണിക്കപ്പെട്ടത്. വിടുതലൈ ചിരുതൈകള്‍ കക്ഷി നേതാവ് തിരുമാവളവന്‍, മറുമലര്‍ച്ചി ദ്രാവിഡ മുന്നേറ്റ കഴകം തുടങ്ങിയവയാണ് രജനീകാന്തിന്റെ ലങ്ക സന്ദര്‍ശനത്തിനെതിരെ രംഗത്തുവന്നത്. തമിഴ്‌നാട്ടിലെ ദലിത് സംഘടനയാണ് വിടുതലൈ ചിരുതൈകള്‍ കക്ഷി.

പരിപാടിയില്‍ പങ്കെടുക്കുന്നത് തമിഴരുടെ പക വാങ്ങിക്കൂട്ടാന്‍ മാത്രമേ ഉപകരിക്കൂ എന്നു ചൂണ്ടിക്കാട്ടിയായിരുന്നു തിരുമാവളവന്‍ വിയോജിപ്പ് വ്യക്തമാക്കിയത്. തിരുമാവളവനുമായുള്ള നല്ല ബന്ധത്തെ പരിഗണിച്ചുകൂടിയാണ് ശ്രീലങ്കന്‍ സന്ദര്‍ശനം വേണ്ടെന്നുവെച്ചത് എന്നും രജനീകാന്ത് പറഞ്ഞു.

രജനിയുടെ സൂപ്പര്‍ ഹിറ്റ് പടം എന്തിരന്റെ രണ്ടാം ഭാഗം പ്രൊഡ്യൂസ് ചെയ്യുന്ന ലൈക പ്രൊഡക്ഷന്‍സ് ആയിരുന്നു ചടങ്ങിന്റെ സംഘാടകര്‍. എന്നാല്‍, ജനീവയില്‍ നടന്ന ലോക മനുഷ്യാവകാശ കോണ്‍ഫറന്‍സില്‍ ലോകമെമ്പാടും നിന്നും ശ്രീലങ്കയുടെ തമിഴ് വംശഹത്യക്കും പീഡനങ്ങള്‍ക്കുമെതിരെ എതിര്‍പ്പുയര്‍ന്ന സാഹചര്യത്തില്‍, സമ്മര്‍ദ്ദം കുറക്കാനുള്ള വഴിയായാണ് വീടുകള്‍ നിര്‍മ്മിച്ചതെന്ന് തിരുമാവളവന്‍ ആരോപിക്കുന്നു. ശ്രീലങ്കന്‍ ഗവണ്മെന്റുമായി അകലം സൂക്ഷിക്കാന്‍ രജനീകാന്തിന്റെ തീരുമാനം സഹായകമാകും എന്ന് തമിഴ് നേതാവ് തിരുമുരുഗന്‍ ഗാന്ധി പറഞ്ഞു. ശ്രീലങ്കയിലെ തമിഴര്‍ തമിഴര്‍ അനുഭവിക്കുന്ന പീഡനങ്ങള്‍ക്ക് അവസാനമായിട്ടില്ലെന്നും രജനീകാന്തിന്റെ സന്ദര്‍ശനം അവിടത്തെ തമിഴരുടെ ജീവിതം സമാധാനത്തിലേക്ക് തിരിച്ചുവന്നുവെന്ന് തോന്നിപ്പിക്കുമെന്നുമായിരുന്നു തിരുമാവളവന്റെ ആരോപണം.

Facebook Comments
Share

Leave a Reply

Your email address will not be published. Required fields are marked *