Breaking News

ഫ്‌ളാറ്റ് നിര്‍മ്മാണത്തിനിടെ മണ്ണിടിഞ്ഞു വീണ് നാല് മരണം-മുഖ്യമന്ത്രി പിണറായി വിജയന്‍ കൊച്ചി മെട്രോയില്‍ യാത്ര ചെയ്ത് സ്ഥിതിഗതികള്‍ വിലയിരുത്തി.-ഫിലിപ്പിന്‍സിലെ കസിനോയില്‍ വെടിവെപ്പില്‍ 36 പേര്‍ കൊല്ലപ്പെട്ടു-പാരീസ് ഉടമ്പടിയില്‍ നിന്നും പിന്‍മാറിയ ട്രംപിനെതിരെ ലോക നേതാക്കള്‍ രംഗത്ത്. നിരാശപ്പെടുത്തുന്ന തീരുമാനമെന്ന് യുഎന്‍-യുഎസ് വീസ ലഭിക്കണമെങ്കില്‍ സമൂഹമാധ്യമ വിവരങ്ങളടക്കം നല്‍കണം-ഇ കൊമേഴ്‌സ് സൈറ്റുകളില്‍ പശുക്കളുടെ ഓണ്‍ലൈന്‍ വില്‍പ്പന പൊടി പൊടിക്കുന്നു.-ഇന്ത്യയുടെ വികസനക്കുതിപ്പ് പരാമര്‍ശിച്ച് കൊടുത്തത് ശ്രീലങ്കയിലെ ട്രെയിന്‍ സര്‍വീസ് ഉദ്ഘാടനം. കേന്ദ്ര സര്‍കാരിന്‍റെ പരസ്യം വിവാദത്തില്‍.-ദില്ലിയിലും സമീപപ്രദേശങ്ങളിലും ശക്തമായ ഭൂചലനം; പ്രഭവകേന്ദ്രം ഹരിയാന-ആണവവേധ മിസൈല്‍ പ്രിഥ്വി -2 ഇന്ത്യ വിജയകരമായി വിക്ഷേപിച്ചു-സ്കൂള്‍ സര്‍ട്ടിഫിക്കറ്റില്‍ അച്ഛന്റെ പേര് ചേര്‍ക്കണമെന്ന നിബന്ധനയില്‍ മാറ്റം വരുത്താന്‍ കേന്ദ്രം ഒരുങ്ങുന്നു.

നടി ധന്യ മേരി വര്‍ഗ്ഗീസിനെ കസ്റ്റഡിയില്‍ വേണമെന്ന അപേക്ഷ കോടതി ഇന്ന് പരിഗണിക്കും.

തിരുവനന്തപുരം: ഫ്ലാറ്റ് തട്ടിപ്പ് കേസില്‍ അറസ്റ്റിലായ നടി ധന്യ മേരി വര്‍ഗ്ഗീസ്സ് ഉള്‍പ്പെടെയുള്ള മൂന്ന് പ്രതികളെയും കസ്റ്റഡിയില്‍ ആവശ്യപ്പെട്ടുള്ള അന്വേഷണ സംഘത്തിന്റെ അപേക്ഷ കോടതി ഇന്ന് പരിഗണിക്കും. തിരുവനന്തപുരം ജ്യുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയാണ് അപേക്ഷ പരിഗണിക്കുന്നത്. പ്രതികളുടെ ജാമ്യാപേക്ഷയും കോടതി ഇന്ന് പരിഗണിച്ചേക്കും. വിശദമായ ചോദ്യം ചെയ്യല്‍ ആവശ്യമാണെന്ന് ചൂണ്ടിക്കാട്ടിയാണ് പൊലീസ് ഇവരെ കസ്റ്റഡിയില്‍ ആവശ്യപ്പെട്ടിരിക്കുന്നത്.

തിരുവനന്തപുരത്ത് നൂറ് കോടി രൂപയുടെ ഫ്ലാറ്റ് തട്ടിപ്പും 30 കോടി രൂപയുടെ നിക്ഷേപ തട്ടിപ്പും നടത്തിയ കേസിലാണ് ധന്യയെയും ഭര്‍ത്താവ് ജോണിനെയും സഹോദരന്‍ സാമുവലിനേയും ജില്ല ക്രൈംബ്രാഞ്ച് വെള്ളിയാഴ്ച അറസ്റ്റ് ചെയ്തത്. ഭര്‍തൃ കുടുംബത്തിന്റെ ഉടമസ്ഥതയിലുള്ള സാംസണ്‍ ആന്റ് സണ്‍ കമ്പനിയുടെ മാര്‍ക്കറ്റിംഗ് വിഭാഗത്തിന്റെ മേധാവിയായിരുന്നു ധന്യ മേരി വര്‍ഗീസ്. ധന്യ മേരി വര്‍ഗീസിന്റെ ഭര്‍ത്താവിന്റെ പിതാവായ ജേക്കബ് സാംസണ്‍ ആണ് സാംസണ്‍ ആന്റ് സണ്‍സ് ബില്‍ഡേഴ്‌സിന്റെ ചെയര്‍മാന്‍. ഇദ്ദേഹത്തെ നേരത്തെ അറസ്റ്റ ചെയ്തിരുന്നു. ഫ്ലാറ്റ് നിര്‍മിച്ച് നല്‍കാമെന്ന് പറഞ്ഞ് പണം വാങ്ങി 50 ഓളം ഇടപാടുകാരെ ഉപഭോക്താക്കളെ പറ്റിച്ചുവെന്നാണ് പരാതി.

മ്യൂസിയം, കന്റോണ്‍മെന്റ്, പേരൂര്‍ക്കട പൊലീസ് സ്‌റ്റേഷനുകളില്‍ ലഭിച്ച പരാതികളുടെ അടിസ്ഥാനത്തിലാണ് കമ്പനിക്കെതിരെ കേസ് എടുത്തത്. 2011 മരപ്പാലത്ത് നിന്നും നോവ കാസില്‍ എന്ന ഫ്ലാറ്റ് നിര്‍മ്മിച്ചു നല്‍കാമെന്ന് പറഞ്ഞാണ് ഇവര്‍ ഒരു കോടി രൂപ വരെ പലരില്‍ നിന്നായി തട്ടിയത്. പണി പൂര്‍ത്തിയാക്കി 2014 ഡിസബറില്‍ ഫ്‌ലാറ്റ് കൈമാറാമെന്നായിരുന്നു കരാര്‍. എന്നാല്‍ കരാര്‍ പരിധി കഴിഞ്ഞിട്ടും ഫ്ലാറ്റ് നല്‍കാത്തതിനെ തുടര്‍ന്നാണ് പണം നഷ്ടപ്പെട്ടവര്‍ പൊലീസിനെ സമീപിച്ചത്.

Facebook Comments
Share

Leave a Reply

Your email address will not be published. Required fields are marked *